Von der Aufnahme Melanie 40 Jahre
Songtext
(Intro)
Melanie – än Mänsch, wo öppis bewegt,
wo mit Härz und Energie Verbindigä pflägt
Mit Fantasie, Geduld und Offeheit
Haltisch du so viel Überraschigä bereit
(Instrumental)
(Verse 1)
Scho als Chind gärn eig’ni Wörter erfunde,
„Komm innen, Teitei!“ – isch theatralisch erklunge!
Mit Inbrunscht und Überzügig ä Flööte i de Hand
nöd immer eifach fürs Oohr, aber total charmant
Mit Holz und Papier, mit Pinsel und viel Gfühl,
Du erschaffsch und kombiniersch, mit Kreativität und Stil.
Du sprüäsch vor Ideeä und dänksch däbii vernetzt,
Oisi Schaufänsterdeko – immer perfekt umgsetzt
(Refrain)
Melanie – hüt dörfed mir dich fiire!
Mir wünsched dir nur s’Beschtä und tüänd gratuliire!
Du bisch für eus äs Gschänk, das isch ja klar,
Sit vierzig Jahr – eifach wunderbar
Alles was chunnt, nimmsch du voller Schwung!
Bliib wiiter wie’d bisch, das haltet dich jung!
(Verse 2)
Mit dä Antonia häsch du scho früeh gspürt,
was im Läbe zehlt, wänn d’Liebi eim führt.
Mit Geduld und Härz, ganz ohni Zwang,
häsch du sie begleitet – ihres Läbe lang.
Wo anderi nöd gwüsst händ, häsch du verstande,
was sie bruucht, wie sie denkt, wie mer chan verhandle.
Was sie dich g‘lehrt hät, treisch du hüt wiiitär,
i diim Bruäff zähllt jedes Chind, nöd nur die gschiidä
(Refrain)
Melanie – hüt dörfed mir dich fiire!
Mir wünsched dir nur s’Beschtä und tüänd gratuliire!
Du bisch für eus äs Gschänk, das isch ja klar,
Sit vierzig Jahr – eifach wunderbar
Alles was chunnt, nimmsch du voller Schwung!
Bliib wiiter wie’d bisch, das haltet dich jung!
(Verse 3)
Sit Chindheit häsch dini Girls a dinere Siete,
Zäme dur viel Schöns aber au dur schwäri Ziite
Du bisch en Härz-Mänsch, uf dich isch Verlass
Pflägsch Bezihigä für’s Läbe, für meh als nur für Spass
Doch Chrischtian, Jana, Livio und Finn:
Sie sind für dich din Hauptgewinn!
In Eglisau händ ihr oiri Wurzle gsetzt,
Und s’Abentüür hört nie uuf bis jetzt.
Öb im Tessiin, bim Zälte oder am Meer,
D’Ziiit mit dinä Liebstä gnüüssisch du so sehr.
(Instrumental)
(Bridge)
Als Schwöster bisch du so wichtig für mich
Und ich möcht dir säge: Ich bin stolz uf dich!
Uf dini Ideeä, diin Wäg und din Muät
Mit dir zäme sii, das tuet eifach guät!
(Refrain)
Melanii – hüt dörfed mir dich fiire!
Mir wünsched dir nur s’Beschtä und tüänd gratuliire!
Du bisch für eus äs Gschänk, das isch ja klar,
Sit vierzig Jahr – eifach wunderbar
Alles was chunnt, nimmsch du voller Schwung!
Bliib wiiter wie’d bisch, das haltet dich jung!
Alles was chunnt, nimmsch du voller Schwung!
Bliib wiiter wie’d bisch, du haltisch eus jung!